Што се прогресивни стакла и зошто се идеално решение за

Што се прогресивни стакла и зошто се идеално решение за вашите очи?

Во овој напис дознајте повеќе за што се прогресивни стакла. Прогресивните стакла се напредно решение за корекција на видот кое овозможува јасна визија на сите растојанија – блиску, средно и далеку – без потреба од менување очила. За разлика од бифокалните стакла кои имаат видлива линија меѓу диоптриите, прогресивните стакла имаат мазен и постепен премин меѓу различните зони на гледање, што ги прави многу попријатни за носење и естетски поатрактивни.

Дознајте повеќе за видовите и историјата на очилата.

Што се прогресивни стакла: Зошто да изберете прогресивни стакла?

Се во едно решение – Наместо да носите едни очила за читање, а други за гледање на далечина, добивате едни очила кои ги покриваат сите ваши потреби.
Природен поглед – Преминот помеѓу зоните е постепен, што овозможува природен и удобен начин на гледање, без нагли промени.
Современа технологија – Современите прогресивни стакла се изработуваат со дигитална прецизност според индивидуалните потреби на вашиот вид, рамка и стил на живот.
Модерен изглед – Без линии или делби на стаклото, изгледаат како обични очила, што ги прави идеален избор за современиот животен стил.

За кого се идеални прогресивните стакла?

Прогресивните стакла се препорачуваат за лица над 40 години кои почнуваат да чувствуваат тешкотии при гледање на блиски предмети – состојба позната како пресбиопија. Овие стакла се исто така добар избор за оние кои:

Веќе користат очила за далечина, а сега имаат потреба и од читање
Сакаат елегантно решение без линии видливи на стаклото
Поминуваат време пред компјутер, со книги и за возење
Сакаат да избегнат носење два пара очила

Како функционираат прогресивните стакла?

Прогресивното стакло има три главни зони – горниот дел е оптимизиран за гледање на далечина, средниот дел е за интермедиерно растојание (на пример компјутер на работна маса), а долниот дел е за читање и работа на блиски растојанија. Преминот меѓу овие зони е плавен, без видлива линија, што е и главната естетска предност во однос на бифокалните стакла.

Колку време треба за привикнување?

Периодот на адаптација е природен дел од носењето на прогресивни стакла. Кај повеќето корисници трае помеѓу неколку дена и две-три недели. Во овој период е важно:

Да ги носите очилата редовно, особено првите денови
Да ја свртите целата глава кон она што го гледате, а не само очите
Да им дадете време на очите да се навикнат на новиот начин на гледање

Доколку нелагодностите се задржат после две недели, препорачуваме да проверите кај оптичар.

Совети за избор на прогресивни стакла

При избор на прогресивни стакла, обрнете внимание на:

Висината на рамката – Премали рамки можеби нема да обезбедат доволно простор за сите три зони на видот.
Квалитет на стаклата – Подобрите стакла имаат пошироки удобни зони и помалку периферни искривувања.
Дигитална изработка – Дигиталните прогресивни стакла се пресметуваат по индивидуалните параметри на вашето лице и обично нудат најдобар комфор.

Прогресивни стакла во View Optic

Во View Optic ви нудиме широк избор на висококвалитетни прогресивни стакла од врвни производители, прилагодени според потребите на вашиот вид. Нашите стручни оптичари ќе ви помогнат да изберете правилни стакла и рамка – контактирајте не за совет и закажување преглед.